Sunnudaginn 26. apríl næstkomandi fer fram á Skriðuklaustri hið árlega kaffihúsaskákmót KAABER og UMF. Þristar. Mótið hefst kl 13.00 og verður að vanda keppt í tveimur aldursflokkum 16 ára og yngir og 17 ára og eldri. Vegleg verðlaun eru í boði. Þátttökugjald er 500 kr og innifalið í því er kökuhlaðborð að hætti hússins.

Stjórn UMF Þristar vonast til að sjá sem flesta skákáhugamenn og -konur á öllum aldri.

Laugardaginn 19. apríl síðastliðinn stóð UMF Þristur fyrir svokallaðri Fjarkaþraut. Um var að ræða nokkuð nýstárlegt fjölþrautarmót þar sem keppt var í fjórum greinum frjálsra íþrótta. Stig voru gefin fyrir frammistöðu í hverri grein fyrir sig og heildarstigafjöldi úr greinunum fjórum réð úrslitum. Þátttaka var góð og mættu bæði keppendru frá UMF Þristi og Hetti til leiks.